أحمد فهمي عن طلاقه لزوجاته: العيب فيا

تحدث الفنان المصري أحمد فهمي عن تجربة طلاقه في زيجاته السابقة.

أحمد فهمي أكد أن العيب به هو، حيث قال: "أكيد في الطلاق العيب فيا لأني مش مسؤول عن عيوبها".

وأضاف: "وانا بتجوز كذا مرة لأني بجرب لحد ما أوصل للنتيجة اللي انا عايزها وانا مبكونش ناوي اطلق في الرحلة بس الظروف هي اللي بتوصلني لكده".

وتابع: " واتعلمت من الطلاق التحضر من بعد الطلاق ... فكرة الجواز هي مشروع لو منفعش مالهوش علاقة الشخص اللي قدامك دا ينفع يبقى صاحبك أو لأ ".

وعن سبب تأخره في إنجاب الأطفال رغم مروره بـ3 زيجات، قال: :الأطفال أخطر شيء يمكن التعامل معه، فالطفولة أهم مرحلة في حياة الانسان وخاصة من سن سنة لـ10 سنين أي حاجة بتحصلك في السن دا بتبقى زي خربوش في جسمك مش هيتغير علشان كدا تلاقيني متأخر في الخلفة لأن التعامل مع الطفل دا أخطر حاجة ممكنة".