أحمد داوود يكشف أسباب ظهوره بـ "كرش" في مسلسل "زينهم"

تحدث الفنان أحمد داود عن أسباب ظهوره بالكرش خلال أحداث مسلسل "زينهم"، وتعرضه لانتقادات بسبب وزنه الزائد في المسلسل.

أحمد داود قال: "الكرش دا تعبنا أوي علشان نعمله وبيقل مع الحلقات ودي كانت فكرة المخرج يحيى إسماعيل وبصراحة اقتنعت بيها لما قالي أنا حاسس إن زينهم دا شخص بياكل وقاعد في المشرحة وبيفكر ولازم يبقى عنده كرش فسلمتله نفسي تماما قولتله يلا نجرب .. قولتله شكلي حامل مش بكرش".

وأضاف:" عالم زينهم ميكس ما بين جثث وكوميديا، أول ما قريت الحلقات قلت إيه دا أول مرة أتعامل مع النوعين دول من الدراما كدا فدا اللي عجبني".

وعن البطولة المطلقة في مسلسل "زينهم" قال: "مكنتش مستعجل خالص في إني أعمل مسلسل بطولتي مكنش دا هدفي لحد ما جه زينهم عمل التركيبة دي، حبيت الموضوع جدا ولقيت إن هو لايق ولقيت إني متحمس ليه".