قبل انطلاق مهرجان الجونة.. عمرو عبدالعزيز يوجه رسالة لبعض الفنانات: هيقولوا مين الرخيصه دى

قبل انطلاق مهرجان الجونة السينمائي بساعات قليلة، وجه الفنان عمرو عبدالعزيز رسالة لبعض الفنانات، الاتي يتعمدن الظهور بفساتين عارية على الريد كاربت.

عمرو عبدالعزيز كتب: "نصيحه اخويه، يا حبيبه قلبي والله العظيم شغلك هو اللي بيتكلم عنك مش فستانك المفتوح لحد لوزك>> للاسف انتي فاكره انك كده جامده خاااالص والله العظيم هما لو اتكلموا هيتكلموا عن فستانك الاوفر مش عليكى".

وتابع: "الدليل ان اكبر نجمات مصر زي مني زكى و ياسمين عبد العزيز وهبه مجدي وغيرهم كتير بيروحوا بفستانين سواريه حلوه وشيك ومقفوله عااادي جدا".

وأكمل: "بس انتي بعد ما تقفي ع الريد كاربت و تتصورى بكذا شكل و من كل الزوايا عشان تستعرضى الفستان العريان قوى الأوفر قوى ويصوروكى عشان يتكلموا بعد كده مش بيقولوا مين الفنانه دى …لا…بيقولوا مين الرخيصه دى".

واختتم كلامه، بقوله: "نصيحه اخويه، لما تروحى مهرجان وانتي مش معروفه أصلا لو اهتميتي بشغلك ربع ما بتهتمي بفستانك الأوفر صدقينى هتوصلى وهيتكلموا عنك بشياااكة".