نشوى مصطفى تعلن انضمامها لفريق مسلسل "امبراطورية ميم" بعد غياب 10 سنوات

أعلنت الفنانة المصرية نشوى مصطفى انضمامها لفريق عمل مسلسل "امبراطورية ميم" بطولة الفنان خالد النبوي، والمقرر عرضه في شهر رمضان القادم 2024.

نشوى مصطفى كشفت إن هذا هو أول عمل فني ستشارك به بعد غياب 10 سنوات، حيث قالت: " تحويشة العشر سنين اللي فاتت اللي مااشتغلتش فيهم اخرها جبر كبير — فرحانة انى مخسرنش سنين عدت رغم قسوة إن الفنان مايمارسش فنه".

وأضافت: :بس الحقيقة ومعرفش حتصدقونى ولا لاء — لما كان يتعرض عليا دور مش حاساه كنت باعتذر وانا بتقطع بس كنت باقول حقى فى المرحلة دى واللي باقى من العمر انى استمتع وانا باعمل فن — وايه متعة اكبر من أنى باذن الله اكون واحدة من فريق عمل عظيم وراقى — نص عظيم لاستاذ احسان عبد القدوس سيناريو وحوار دكتور محمد سليمان عبد المالك صاحب الاعمال المميزة - اخراج واعى جداً جداً وناجح فى كل اعماله باقتدار واسمه بانى ثقة بينه وبين جمهوره الاستاذ محمد سلامة — انتاج لشركة اعمالها ترند شركة اروما".

وتابعت: "وخاااااااااااااااااالد النبوى — اقصد الخالد النبوى — خالد اسمه لازم يسبقه الف ولام — بغض النظر عن حضوره اللي ربنا صارفهوله بزيادة — هو كمان ممثل هاند ميد - ممثل يعلى اي ممثل يقف قدامه — ممثل هاوى بيذاكر وبيعيش وبيحس بمنتهى اجتهاد الممثل الهاوى وبمنتهى الاحترافية — يابختى حقيقى - بالمناسبة ده سادس عمل باذن الله امثل فيه مع خالد (( الشاطر يقول اسماء الاعمال اللي اشتغلت فيها مع خالد - حاقول اسم العمل الاول وكنا لسه طلبة فى المعهد مسرحية البحر بيضحك ليه وللاسف متسجلتش )) - كلى ثقة فى توفيق ربنا وكرمه باذن الله دعواتكم اكون عند حسن ظن حضراتكم".