بالفيديو.. مروة عبد المنعم تكشف سبب اعتراضها على حجاب ابنتها في البداية

كشفت الفنانة المصرية مروة عبد المنعم سبب اعتراضها على ارتداء ابنتها للحجاب في البداية.

حيث قالت إنها أكثر شخص تعرف كيف تفكر ابنتها وأنها أبعد ما تكون محجبة، وأضافت: "اتفاجئت بقرار "حور" بنتي هي بقالها قبل ما تاخد قرار الحجاب تقف قدام المرايا وتلبس الحجاب وتسألني عن رأيي وأقولها لطيف".

وأضافت: "بالنسبة لي كانت بتلعب فجأة قررت أنها تلبس الحجاب، اعترضت طبعا لأني عارفة دماغ بنتي لأنها أبعد ما تكون أنها تكون محجبة عاوزاها تتحجب في وقت يكون عندها القناعة".

وتابعت: "حور بتحب الحياة وعايزة تلبس وتعيش وكنت اتخانق معاها وأقولها دا لبس قصير أو لأ دا غلط فجأة قررت والحجاب قرار صعب، أنا احترمت قرار بنتي ومعنديش أي مشكلة وبشجعها أنها تفضل محجبة، لكن أنا عارفة بنتي وعارفة إنها متقلبه المزاج لكن أنا مقتنعه إنها لازم تعيش التجربة".

وأكلمت: "أنا مقتنعه جدا بالحجاب وربنا اللي عالم أنا ليه مش محجبة ودا حساب بيني وبين ربنا وفخورة ببنتي أنها لبست الحجاب وأتمنى ربنا يثبتها على الحجاب وسعيدة بقرارها لكن لو جات فترة وقررت أنها تقلع الحجاب أنا مش هقف ضدها".