سارة نخلة تشكك في طلاق ياسمين عبدالعزيز وأحمد العوضي: مليون في الميه كدب

شككت الفنانة السورية سارة نخلة في طلاق ياسمين عبدالعزيز وأحمد العوضي، خاصة أنه وقع بعد أيام قليلة من تنبوء خبيرة الأبراج ليلى عبداللطيف بطلاقهما.

سارة نخلة قالت: "ياسمين عبد العزيز واحمد العوضي هما الاتنين فى نفس ذات الثانيه نزلوا خبر على السوشيال ميديا ان هما اتطلقوا و لكن في صدفه غريبه جدا لان هو من 16 ساعه لسه منزل ليها هابى بيرث داي و حبيبتى و حب و غرام".

وأضافت: "توقعات ليلى عبد اللطيف في رأس السنه بطلاق ياسمين عبد العزيز و أحمد العوضي، ويجى بعد 16 يوم يحصل الطلاق لا ده كذب المنجمون ولو صدفوا وايمانكم بربنا فين هل من الطبيعي يطلع حد يقول دول هيطلقوا و يطلقوا فعلا اكيد ده كدب مليون في الميه كدب وهيبان فى الايام الجاية".

وتابعت: "طلع بنات على السوشيال ميديا تقول لما ياسمين عبد العزيز اطلقت طب احنا نتجوز ليه بلاش المقارانات دى لأنه لا انتي ياسمين عبد العزيز و لا انت احمد العوضي، من اول ما اتجوزوا بيقولوا ده في بينهم فرق 10 سنين ده هي عندها اولاد كبار وهو متجوزش كفايا نبر الست دخلت المستشفى بعد كام شهر، انا بتمنى ان يكون الاكونتات بتاعتهم متهكره او أنها تكون حركه مع انها حركه بايخه بس انا حابه انهم يكونوا مع بعض".