بالصور.. منى زكي توجه رسالة شكر لصناع وضيوف شرف فيلمها الجديد "رحلة 404"
حرصت النجمة المصرية منى زكي على توجيه رسالة شكر لصناع وضيوف شرف فيلمها الجديد "رحلة 404".
منى زكي نشرت صور لعدد من النجوم المشاركين في الفيلم، على حسابها بموقع "انستجرام"، ووجهت لهم رسائل، قالت فيها: "أحب أوجه الشكر لفريق فيلم “رحلة 404” الرائع اللي استمتعت جدا بالتعاون معاهم.. أنا حقيقي حبيت تجربتنا سوا، واستمتعت بيكم ومعاكم وبمواهبكم الجبارة اللي أضافت لي وأضافت للفيلم ككل".
وأضافت: "شكرا لزميلي النجم محمد فراج صاحب الموهبة الكبيرة، واللي قدمنا سوا أعمال ناجحة قبل كده، ويارب الفيلم ده كمان يكون له نفس الحظ من نجاحنا المشترك.. وأيضاً زميلي العزيز محمد ممدوح (تايسون) اللي بحب وبحترم فنة وموهبته لأقصى درجة، ووجوده كضيف شرف في الفيلم كان حاجة كبيرة أوي بالنسبة لي،وطبعا النجم الكبير والممثل اللي دايما بنستمتع بحضوره خالد الصاوي".
View this post on Instagram
وتابعت: "وطبعا الممثلة الرائعة شيرين رضا اللي نورت الفيلم بجد والمتميز للغاية محمد علاء.. وأكيد كل الشكر للسينارست الموهوب محمد رجاء اللي كتب نص حقيقي مختلف وإنساني و بابداع حقيقي، وأولا وأخرا شكرا للأستاذ المخرج هاني خليفة على مجهوده و إيمانه بالمشروع وتوجيهاته ورؤيته المهمة دايما".
ورد محمد فراج على رسالة منى زكي، بقوله: "الشغل معاكى قد ايه متعه ربنا يزيدك نجاح و حب الناس يا حبيبتى .. الف مبروك يا استاذه ❤️❤️❤️".