محمد فراج عن أدائه القوي في فيلم "رحلة 404": منى زكي تحرك الحجر

تحدث الفنان المصري محمد فراج عن ظهوره كضيف شرف في فيلم "رحلة 404" بطولة النجمة منى زكي، والذي يعرض حاليا في السينمات.

محمد فراج أكد أنه وافق على المشاركة حتى من قبل معرفة الدور لمجرد العمل مع النجمة منى زكي والمخرج هاني خليفة.

حيث قال: "أول مرة أستاذ هاني اتكلم معايا مكنتش عارف هعمل إيه وإيه الدور لكن لما عرفت أن الفيلم لمنى زكي ومن إخراج هاني خليفة مفكرتش للحظة لأن أي ممثل بيدور على فيلم يتعلم ويستفاد منه".

وأضاف، في مداخلة هاتفية مع برنامج "الحكاية" على قناة mbc مصر: "مبروك لمنى زكي وهاني خليفة والسيناريست محمد رجاء لأنهم يستاهلوا كل خير، أنا فخور إني كنت في مركب زي دي وطلعت معاهم الرحلة الحلوة أوي دي استمتعت واتعلمت واستفدت أنا فخور إني في الفيلم ده".

وعن أدائه القوي في الفيلم بالرغم من ظهوره في مشهدين فقط، قال: "أنا حاسس إني بنتمي لهذا الفيلم قلبا وقالبا، واتشرف إني جزء من هذا العمل ونجاحي دا بفضل ربنا وبفضل منى زكي لأنها تحرك الحجر وبستمتع بالشغل معاها.. منى زكي دي على جمب موهوبة وجميلة وصادقة ربنا يحرسها تستاهل أكتر من اللي هي فيه بكتير".