تامر حسني يوجه الشكر لتركي آل الشيخ: نصرتني يابو ناصر
وجه الفنان تامر حسني رسالة شكر للمستشار تكري آل الشيخ، رئيس هيئة الترفيه في المملكة العربية السعودية، بعدما أعلن أن تامر هو الفنان الذي حقق الرقم القياسي للإيرادات في السعودية عام 2022 بفيلمه "بحبك".
تامر حسني كتب، على حسابه الخاص بموقع "انستجرام": "خالص الشكر لمعالي المستشار تركي آل الشيخ نصرتني يابو ناصر". 😀💪❤️
وأضاف: "بعيداً طبعاً عن ان الرقم ده بيروح لموزعين الخارج عشان محدش يفتكر ان المنتج او الابطال بياخدوا الرقم ده 😀لأ ده رقم بيتوزع على موزعين الخارج في العالم كله و الفنان له اجر ثابت".
وتابع: "المهم الكثير كان بيشكك في ايراداتي و كتير انتقدوا الفيلم قبل ما ينزل لمجرد انه تأليفي و إخراجي و موسيقتي التصويريه.. كنت مأجل بوست احتفالي معاكوا بنجاح فيلم بحبك اللي عدا عليه سنتين حتى تعلن الجهه المختصه عن رقمه القياسي".
وأكمل: "تيجي بقى من ابو ناصر نفسه امام العالم كله ليثبت ان كان كلامي صح و اني مش بقول غير الحق ولا مضطر اقول غير الحق و طبعاً ده غير ايرادات الفيلم في مصر و باقي دول العالم ❤️".
واختتم كلامه، بقوله: "كل الشكر للجمهور الطيب الغالي في مصر و السعوديه و الوطن العربي كله و العالم شكراً لكل ابطال العمل و صُناعُه و منتجينه اللي صدقوني و دايماً في ضهري.. شكراً معالي المستشار تركي آل الشيخ ،،نورت مصر بلدك الثانيه بجد انا دلوقتي اقدر أحتفل معاكم بنجاح اول فيلم من إخراجي الحمدلله 🤲❤️".