فيفي عبده: الرقص مش حرام وبعتبر إني محجبة وبدعي ربنا أعيش 100 سنة

أكدت الفنانة فيفي عبده أنها لا تخاف من الموت، لكنها في نفس الوقت تدعو الله في كل صلاة أن يمد في عمرها وتعيش لـ100 عام.

فيفي عبده قالت: "مش خايفة من الموت وشفت تربتي وموضباها لكن نفسي ربنا يديني عمر شوية لأني لسه معشتوش، كل ما أركع وأصلي أقوله يارب إديني شوية عمر عايزة أعيش أكتر من كده عايزة أعيش 100 سنة مثلا".

وأكدت أنها لا تخاف أو تفكر كيف ستواجه الله، قائلة: "مواجهة ربنا أنا مطمنة طول عمري ماشية بما يرضي الله مظلمتش حد بساعد الغلبان أنا غلبانة زيهم، إنسانة واضحة كل دي حاجات تخليك تبقى مطمن في الحياة، لكن ربنا هيعمل فيا إيه أنا راضية بكل حاجة، ربنا يهديني لو جاتلي الهداية هقولها إيه لأ كخة".

وأشارت إلى إنها ترى أن الرقص ليس حرام، حيث قالت: "الرقص حرام ليه؟ هو مش شغل زي أي حاجة الباليه حرام؟ في حاجات كتير حرام، الرقص دا شغل زي أي شغل ليه احترامه وليه ناسه اللي بيتفرجوا عليه وليه اللي بيقدروه ويحترموه".

وعن إمكانية ارتدائها الحجاب قالت: "أنا متحجبة طول الوقت، الكلام دا يتقال للناس الفالته أنا بعتبر إني محجبة لأني مش بعمل حاجة غلط ومش بجيب في سيرة الناس محجبة في لساني وفي كل تصرفاتي، مطلوب مني إيه أكتر من كده وإذا كان على الشغل لو ربنا قالي في أي وقت إلبسي الحجاب هلبسه".