عصام كاريكا يكشف تفاصيل خلافه مع محمد سعد بسبب أغنية في فيلم "بوحة"

كشف الفنان عصام كاريكا عن تفاصيل خلافه مع الفنان محمد سعد، بسبب إحدى أغنيات فيلم "بوحة".

عصام كاريكا قال: "حصل خلاف كبير جدا ومن ساعتها متعاملناش تاني.. الأغنية الأساسية بتقول: أول ما عرفت إنك عاوزني جيت أوام مقدرش استغنى عنك يا معلمني الغرام، واقولك برضو إني ياللي في بعدك ناسيني أؤمرني هتلاقيني تحت السلم بنام".

وأضاف: "هي كده.. دي قافية مظبوطة.. لكن وإحنا في الاستوديو.. سعد قالي لا.. نشيل (هتلاقيني تحت السلم بنام) ونخليها (سجادة بين إيديك).. فقلت له مينفعش لازم تبقى مظبوطة، قالي لا عاوزها كده وزعل وكان هيمشي".

وتابع: "كلمت المنتج وائل عبد الله.. قلت له محمد سعد بيغير الكلمات لحاجة مش فاهمها.. فقالي عشان خاطري والنبي مشيها، الفيلم واقف.. فعملناها ومشيت.. لسه زعلان لحد الآن وببقي هموت كل ما اسمعها".

وكشف عصام كاريكا أنهما لم يتعاونا سوياً منذ ذلك الحين، رغم تعاونهما في 4 أفلام سابقة.