ياسر جلال يكشف أسباب اعتذاره عن مسلسل "جودر" في البداية

يستعد الفنان المصري ياسر جلال للمشاركة في الموسم الرمضاني القادم 2024 بمسلسل "جودر".

وكشف ياسر جلال سبب اعتذاره عن تقديم المسلسل في البداية، بوله: "لما اعتذرت عن مسلسل "ألف ليلة وليلة" أول مرة كان لتخوفي من العمل حسيت إنه مسئولية كبيرة وعمل كان صعب وكنت خايف يطلع مش على المستوى المطلوب".

وأضاف: "ولكن بعد فترة طمني الأستاذ محمد السعدي وطمني الأستاذ تامر مرتضى ومعاهم الأستاذ إسلام خيري إن العمل مكفول ليه كل عوامل النجاح وهيتعمل على الوجه الأكمل كل دا شجعني إني أرجع وأعمل المسلسل".

"وتابع: "والموضوع كان حلو جدا الكتابة اللي كاتبها الأستاذ أنور عبد المغيث جميلة جدا حدوتة "جودر بن عمر المصري"، هي حدوتة "جودر" اللي موجودة في "ألف ليلة وليلة" لكن أستاذ أنور أخدها وطور فيها وحذف حاجات وأضاف حاجات وطور خطوط درامية تانية وبقت ملحمة ودا كله شجعني إني أخوض التجربة".

وأكمل: "بالإضافة أن اللون دا من الأعمال الدرامية مش بيتعمل كتير وبقالنا فترة مش بنعملها والأجيال الجديدة متعرفش "شهرزاد" مين وإيه حكاية "شهريار" فالمسلسل فرصة أنه يعرف الأجيال الجديدة على "ألف ليلة وليلة" وحواديتها.