طليق بوسي يكذّبها ويكشف السبب الحقيقي لطلاقهما

كذّب مصفف الشعر هشام ربيع، طليقته بوسي في كل كلامها في حوارها مؤخرًا مع بسمة وهبة، حول سبب طلاقهما.

هشام ربيع ال في فيديو نشره: "كل الردود بتاعتها عبارة عن كذب، وأنا بصراحة مقدرتش أسكت، كنت لازم أدخل، وأوضح لكل الناس وبالذات أصحابي وأهلي أن الست دي كلامها كذب وبتتنفس كذب، سألتها الأستاذة بسمة سؤال واضح وصريح سبب الانفصال بينكم إيه، فردت بوسي قالت لها أصل الناس كانت بتقوله كلام في ودنه وكلام كده لا يعقل يعني".

وأضاف: أنا بعرفكم وبقولكم الحقيقة طلقت بوسي لأن دخلت بسببها السجن 4 شهور ودفعت عشانها ملايين وخلصتها من تشكيل عصابي مكون من طليقها الله يرحمه ويسامحه وعيلته وخليتها حرة اللهم لك الحمد، وفي الآخر الست دي مجتش زارتني خلال الـ 4 شهور وفي كشوفات في السجن تثبت ده عشان هي بتكذب كتير خرجت من السجن بتتهرب مني وقافلة باب البيت ومش عايزة تقابلني، وده اللى جاب ليا صاعقة ولاقيت نفسي هتجنن".

وأكد أنه اكتشف أنها كانت متزوجة مرتين قبل زواجهما ولم تخبره بذلك، معلقًا: "اكتشفت حاجات غريبة أوى، وهي إن الست دي كانت متجوزة قبلي اتنين وأنا معرفش، اللى كنت أعرفه فطين اللى هو وليد أبو ياسين، التانى اللى في النص ده أنا معرفوش".

وتابع: "بدأت حياتها معايا بكذب إن هي كانت متجوزة قبلي ومقلتش ليا، حتى أنا قلتلها إزاى يا بوسي نحط إيدينا في إيدين بعض وإحنا جواز على سنة لله وروسوله وفرح وعيلة محترمة وأسرة ونسب، وفي الآخر إنتي متجوزة قبلي ومقولتيش ليا طبعا مكنش ليها رد لأن كان الموضوع اتعرف".