والد ياسمين صبري يسخر من تصريحاتها عن انتمائها للطبقة المتوسطة

سخر أشرف صبري، والد الفنانة ياسمين صبري، من تصريحاتها حول معناتها في طفولتها لانتمائها للطبقة المتوسطة.

والد ياسمين صبري أكد أنها لم تنتمي يوما لهذه الطبقة، حيث سخر قائلا: "بعد الواحد ما كبر ويشوف ولاده يحمد ربنا اتربوا كويس رغم اننا طبقة متوسطة عاشوا في بيت ابوهم وبناتي كانوا في مدرسة EGC بتاعة الطبقة المتوسطة كنت مهتم تكون مربيتهم فيلبينية عشان يتكلموا اللغة الانجليزية كويس بتاعة الطبقة المتوسطة اشتغلت طبيب واتعلمت بره عشان انجح اولادي في الطبقة دي وابني كان في مدرسة فيكتوريا".

وتابع: "دلوقتي ابني في امريكا بيشتغل بعد ما جوزته الحمدلله ونرمين بنتي جوزها دكتور زيي بس اطفال من الطبقة المتوسطة والتانية فنانة وعندي بنت فرنساوية كنت بافسحهم دايما في اليخت بتاعي الصغير بتاع الطبقة المتوسطة! ولما باتفرج علي حفيدتي اما بافرح ومنتظر عم بلال يجيب ولي العهد يارب.. كلهم بيحبوا ابوهم والكسندرا حتتجنن وتيجي مصر لانها مع امها في فرنسا عشان تعد مع ابوها وهي الوحيدة البعيدة لكنها لها ام محترمة تعرف تخلي ابوها رمز حتى لو بعيد ومنتظر وصولها بفارغ الصبر".

واختتم كلامه، بقوله: "احيانا يطلع عيل من عيالك براوي وناكر للجميل ويتكلم كانه بيمثل فيلم كله اختراعات لكن دي سنة الحياة، المهم انهم كويسين وبخير، واحب اوضح اننا كنا سعداء في الطبقة المتوسطة لحد دلوقتي الحمدلله".