جميلة عزيز: الفن ضيع عليا أعمل بيت وأسرة ويمكن ربنا كاتبلي ارتبط بملاك في الآخرة

قالت الفنانة جميلةعزيز إن انشغالها بالفن طول عمرها، جعلها تخسر فرصة الزواج وتكوين أسرة .

جميلة عزيز قالت: "الفن ضيع من عمري وضيع عليا أني اعمل بيت وأسرة، وأنا مش ندمانة ده نصيب من عند ربنا، البني آدم لو مكتوب له أنه يرتبط ويتجوز ويعمل أسرة يبقى هيحصل سواء في الوسط أو برا الوسط".

وأضافت: " يمكن مكتوب لي عند ربنا أو مكتوبلي يوم القيامة أني ارتبط بملاك، أصل اللي متجوزش في الدنيا هيتجوز في الآخرة أكيد".

وتابعت: "أي حاجة بتيجي للبني آدم بتكون تجربة وبتكون خير له، ربنا مبيسببش حاجة للبني آدم غير لما تكون خير لما بعد ذلك، وعايز يخليني في مرتبة أعلى".