خالدخالد الصاوي معترضاً: "إحنا بنتعامل أوسخ من الكلاب"

أصيب الفنان المصري خالد الصاوي بحالة من العمى المؤقت بعد تعرضه للغاز المسيل للدموع أثناء تواجده أمس في ميدان التحرير وسط المتظاهرين.

الفنان المصري اتهم الشرطة باستخدام قنابل مسيلة للدموع، لتفريق المتظاهرين في ميدان التحرير، مختلفة عن أي نوع آخر قد شاهده من قبل.

الصاوي كتب على صفحته الشخصية على موقع "فيس بوك" "أنا بنزل مظاهرات من وأنا عندي 18 سنة، الغاز اللي انضربنا بيه الليلة دي غير أي غاز عدى عليا من 30 سنة، يا إخوانا إحنا بنتعامل أوسخ من الكلاب".

الفنان الذي اشتهر بمواقفه السياسية المعارضة تابع "شباب متصاب من الداخلية بيطالب بحقه بعد إصابته بعشر شهور يقوموا يضربوه زي ما ضربوا أهالي الشهداء قبل كده، ولما يتعاطف ناس معاهم يتقتلوا ويترموا جنب الزبالة، ولما يتضامن ناس معاهم يضربوهم بغاز شديد الخطورة.. لو وافقنا على ده كله نبقى ناس بلا كرامة. هو ده أساس الموضوع مش عاوزين تفريعات فارغة.. انت لو في بلد غربي مش حتجروء تقول: وهم ايه اللي ينزلهم يتظاهروا؟ علشان حتلاقي عيل صغير يبصلك بازدراء ويقولك: وهو ده مبرر انهم يتعاملوا كده؟! كل من يريد أن يؤسس لكرامة الإنسان المصري لازم يصر على محاسبة الطغاة، كفاية ذل بقى!"