باسم يوسف: أمي متعرفش الأشكال دي

بعدما كشف المستشار مرتضى منصور إن والدة باسم يوسف كانت صديقته من 20 سنة، مما جعلها تتصل به وتستعطفه لكي يسامح ابنها فيما فعله، نفى باسم هذا الكلام تماما على حسابه الخاص على موقع تويتر.

باسم كتب: «المعلم هو اللي يضرب ضربة واحدة ويسكت ويخللي العيال تلف حوالين نفسها، اما العيال فلا يملكون غير التخبيط و الخوض في الأعراض أو يجيبوا سيرة أمك».

وأضاف: «وقلت إن ده حيحصل، سيبوه يشوه و يشتم.ده آخره و ده تمامه.شكله وحش لا يملك إلا الشتيمة.ضربنا ضربتنا و أسقطناه كغيار قذر».

وأشار إلى أنه شك للحظة في أن تكون والدته قد كلمت مرتضى بالفعل حيث قال: «المهم إني للحظة شكيت و سألت أمي. انتي يا أمي كلمتي حد. قالتلي: «يا بني أنا مش باستنضف الأشكال دي أساسا,أكلمه إزاي؟!».

وكان مرتضى منصور قد هاجم للمرة الثانية باسم قائلا: «باسم يوسف أمه اسمها نادية، وكانت صاحبتي من 20 سنه، وكلمتني قالتلي معلش سامحه ده عيل عبيط، وأنت زي أبوه».