محمد أمين: بقاؤك في السلطة سيحرق الوطن

طالب الكاتب الصحفي محمد أمين الرئيس المصري محمد مرسي بأن يرحل ويترك الحكم الآن، وأن يحقق مطالب المصريين الذين خرجوا في تظاهرات الأمس 30 يونيو 2013، التي تطالب بانتخابات رئاسية مبكرة.

أمين قال: «الميادين بتقولك: ارحل.. عارف ارحل يعنى إيه؟.. ارحل يعنى امشي.. ارحل يعنى «Go».. ارحل بكل لغات العالم، من لا يعرف معنى الوطن، لابد أن يرحل، لازم ترحل لأنك قسّمت المصريين، لأنك ما فهمتش يعنى إيه ثورة، لأنك لم تتعلم درس مبارك، لأنك تريد احتكار السلطة أنت وجماعتك، لأنك خدعت المصريين، لأنك قدمت أسوأ صورة للمصري، وقدمت أسوأ صورة للإسلام، لأنك لست رجل دولة، وإنما زعيم عصابة».

وأضاف: «ارحل يا أخي، الشعب مش عاوزك، ارجع لأهلك وعشيرتك، شايف الشعب بالملايين في الميادين، لسه بتتكلم عن الصناديق؟ دى كانت مجرد رخصة قيادة عشان تسوق، أثبتت التجربة إنك غشيم صنعة، شوف صرخة الميادين، واسمع صيحة التحرير».

واختتم –مقاله بجريدة «المصري اليوم»- بقوله: «للأسف، مش عاوز تفهم بدرى، مش عاوز تصدق أنك هترحل؟، مش عاوز تلحق نفسك؟،بإمكانك تخرج بشكل آمن، ونبقى عملنا معاك خدمة، هنعتبرك فاشل بس، لو زودتها تبقى خاين، افهم بقى يا أخى، مش عاوزينك، بقاؤك يحرق الوطن، بقاؤك يهدم الوطن، بقاؤك يسيء للمصريين، ارحل يعنى امشي، يسقط يسقط حكم المرشد».