دعاء فاروق: أتسوق بالعباية وأوصل أولادي للمدرسة بإسدال الصلاة

قالت الإعلامية المصرية دعاء فاروق إن الشهرة لم تسبب لها أية متعب،ولا تقيد حركتها، حيث أنها تعيش حياتها بشكل عادي مثل أي امرأة مصرية بسيطة.

دعاء قالت: «الشهرة ملهاش عيوب عندي لأني معنديش الوش البلاستيك اللي أنا رسماه على الشاشة عشان لما أطلع والناس تقفشني من غيره تتضايق.. أنا هو أنا.. يعني أنا بطلع دايما أقول احنا من طنطا وكنا وعملنا ومعانا ومعناش، فخلاص يشوفوني بقه بنزل بإسدال الصلاة، وأنا بوصل العيال للمدرسة، عادي يعني».

وأضافت- في حوارها بموقع «جفرانيوز»-: «معنديش مبدأ إن الشهرة بتقيد حركتك لأ خالص، بتحرك وبروح وبآجي وأنزل أقف في الطابور أشتري فول وطعمية، وممكن تلاقيني في السوق واقفة بالعباية وباشتري الخضار، وبفاصل وبتعصب وعايشة حياتي عادي جدا زي أي ست مصرية بسيطة».