نشوى الحوفي.. هتفت للسيسي وسط مظاهرات الإخوان

روت الإعلامية المصرية نشوى الحوفي موقف طريف حدث لها يوم الجمعة الماضي، أثناء سيرها بجوار مسيرة لأنصار جماعة الإخوان المسلمين.

نشوى قالت: «نزلت ميدان الجامع بعد ما نضفت البيت أجيب حاجات ومحتاجات عادة وربنا ما يقطعها أبدا.... واقفة عند بتاع الخضار دخلت هانم محجبة وبنتها شايلين في أيديهم الورقة الصفرا ....احوليت ... ولسه بافكر أقول إيه ...لقيت الراجل بيقول للصبي بتاعه .. ارهابيين يالا... اتخضيت وبصيت له ...قالي ارهابيين اسكت؟ ..قلت له ربنا يهدي ...قالي اه والله ...بص للست وقالها عندنا مانجه حلوة يا مودام اوزنلك ...الست مشيت من سكات ... يعني كان لازم إظهار الهوية ...اديكم ما اشترتوش».

وأضافت- على حسابها الخاص على موقع «الفيس بوك»-: «خلصت بقى ورحت أجيب السمك المشوي برده عادة ربنا ما يقطعها . . . بس من ارض الجولف محل مونتاااااز ...ابص ألاقي لك مسيرة في شارع النزهة رافعة برده أعلام صفرا وواحد قاعدة . . ما قدرتش فتحت الشباك وهتفت لهم وكنت الناحية التانية سي سي سي سي . . وقفوا وبصوا و ركزوا جريت بالعربية على طول».