أحمد موسى: أنا بحرض على إسقاط النظام القطري

قام الإعلامي المصري أحمد موسى بعرض بعض المشاهد مما عرف بـ «الثورة القطرية» ضد النظام القطري، مشيرا إلى أنه مع الثورة القطرية ولن يكون حيادي في ذلك الأمر.

موسى قال –في برنامجه «على مسئوليتي» على قناة «صدى البلد»-: «أنا بحرض على إسقاط النظام القطري، محدش يكلمني عن حياد، متكلمتوش ليه عن الحياد في تخريبهم كل يوم في البلد، وشوفوا الشرطة القطرية مرتزقة تميم بيعملوا إيه، ومفيش صوت لمنظمات حقوق الإنسان، ولا للأمريكان، ولا للأمم المتحدة، ولا كوفي عنان اتكلم، ولا الأوربيين اتكلموا، وده لأن قطر هي الدولة الداعمة والراعية للإرهاب».

ووجه حديثه للمتظاهرين القطريين: «استمروا وأنا معاكم، وسيبكوا من أي كلام يقولك حياد، طب هو سيادته كان محايد معانا، دهب يحرض عليك وبيقتل في شعبك، فمتكلمنيش عن الحياد، أنا مع الثورة القطرية ضد هذا النظام العميل، وهساندهم من هذا البرنامج، على الأقل ده عمل اهتزاز في النظام القطري، وامبارح مباتوش في القصر الأميري، هربوا وباتوا في حتى تانية».