عمرو أديب يهدد الإخوان بـ «فرش الملاية»

شن الإعلامي المصري عمرو أديب هجوما حادا على الإخوان، وذلك بعد إدعائهم بأن مدرب الكاراتيه بنادي "بلدية المحلة" صاحب الفضيحة الجنسية، قد مارس الرذيلة مع زوجات ضباط وقضاة، كما دشنوا هاشتاج بعنوان «جهاد الكاراتيه» نشروا به صور وفيديوهات جنسية لمدرب الكاراتيه، على حد قوله.

أديب قال – في برنامجه «القاهرة اليوم» على قناة «اليوم»-: «الإخوان لا يتورعوا أنهم يعملوا أي حاجة سافلة، دول لو قدروا يجيبوا ستات عريانة في موقع علشان الناس تخش معندهمش مشكلة، هم عملوا هاشتاج اسمه نكاح الكاراتيه وحطين فيه الصور والفيديوهات، المؤمن بتاع الإخوان المسلمين!، أوسخ من كده مفيش، شوفتوا القذارة بتاعة الناس دي وصلت لأي مرحلة!».

وأضاف: «وكتبوا في الهاشتاج إن مدرب الكاراتيه مارس الرذيلة مع نساء الظباط ونساء القضاة المصريين، يعني كذب ووساخة، وصلت إنك مستعد توسخ مصر كلها علشان انت تبان نضيف، طب ما انت مصري، انت فاكر لما تروح تعيش في قطر خلاص بقيت قطري؟!، هو ده التمن اللي انتوا بتدفعوه لقطر؟!، تطلعوا نسوان مصر عاهرات؟!، نسوان مصر أنضف منكوا ومن اللي خلفكوا ومن اللي مشغلينكوا، نفرش الملاية بقى ونتكلم؟».