إبراهيم عيسى: الشعب المصري مش متربي كويس.. والسيسي وحمدين ريش على مفيش

بأسلوب أقرب إلى الذم منه إلى المدح، أثنى الإعلامي المصري إبراهيم عيسى على ما وصفه بإقبال الشعب المصري على المشاركة في الانتخابات الرئاسية.

عيسى قال- في برنامجه «الطريق إلى الاتحادية» على قناة «ON TV»-: «كم أنت عظيم أيها الشعب المصري، الشعب المصري ده مش متعلم كويس على فكرة، وكتير كمان مش متربي كويس علشان بس المسائل تبقى واضحة، لكن نزعة حضارية عظيمة جواه، ووطنية وحب للبلد لو استثمر صح، ولو اتعلم الشعب ده كويس هيرجعنا فراعنة».

ووجه اعتذارا للشعب نيابة عمن لم يستطع فهم ما وصفه بالإقبال على الانتخابات، حيث قال: «أنا بعتذرلك على هؤلاء الذين لم يستطيعوا فهم إقبالك على الانتخابات، ومتخليش حد يبتزك، لا الغرب يبتزك بالمطاعن اللي ممكن يقولها، ولا شوية العيال اللي بيتكلموا على أن الثورة ضاعت يبتزوك، ولا حملة حمدين ولا حمدين ولا السيسي وأنصاره ولا إخوان وإرهابيين، ولا إعلام بعضه مبتذل، اعمل اللي انت عايزه، كل البهوات دول ريش على مفيش».