أسماء محفوظ: مجرد متعة

تعقيباً على حادثة التحرش التي وقت مساء الأحد بميدان التحرير، أثناء الاحتفالات بتنصيب الرئيس عبد الفتاح السيسي، استنكرت الناشطة السياسية، أسماء محفوظ، الواقعة قائلة: الذي حدث في ميدان التحرير ليس له علاقة بثورة 25 يناير أو حتي 30 يونيو.

محفوظ قالت عبر حسابها الشخصي علي موقع التواصل الاجتماعي ''تويتر'': "اللي حصل في التحرير ده ملوش علاقة بـ30 يونيو ولا 25 يناير ولا سيسي ولا فلول ولا ثوار ولا مرسي ولا إخوان ومش إخوان، اللي حصل في التحرير ده ليه علاقة بينا كلنا، ليه علاقة باحنا عايشين فين وازاي، ليه علاقة بإن المجتمع ده كله مسئول عن اللي حصل، ليه علاقة بإن مجتمع كامل بيعامل البنت على إنها مجرد شيء لإشباع الرغبات وبس، مجرد شيء وجودها يجلب العار، مجرد شيء مذنب على طول الخط، مجرد شيء ممكن يتشكل لأي نوع من أنواع المتعة".

الناشطة السياسية أضافت: ''البنت المصرية بتصرخ من زمان أوووي وبتعملو نفسكو مش واخدين بالكو، الجاني هنا هو كل واحد بيودي وشه الناحية التانية، الجاني هنا هو كل راجل بيبرر كل حالة تعدي على البنت، الجاني هنا هو المجتمع اللي بيشوف إن الراجل يعمل اللي هو عايزه، ده مجتمع ودي دولة يحصل فيها للبنت كده في كل تجمع وتكون النتيجة هي السكوت، وياريت قبل ما كل واحد يشوف اللي حصل ويقول الحل إننا إحنا كرجالة لازم ننزل نحمي البنت من التحرش.