توفيق عكاشة: مينفعش ده يحصل معايا بعد ما السيسي كلمني بنفسه

عبر الإعلامي المصري توفيق عكاشة عن استيائه الشديد من تكليف أحد الوزراء لمستشاره الإعلامي بالاتصال به، وعدم قيام الوزير بفعل ذلك بنفسه.

عكاشة قال: «الأصول اللي احنا اتعلمناها في بيوتنا، لما نلاقي واحد وقف جنبنا بلا أي غرض، وانه عايز يشتغل متطوع علشان يساعدنا، نتصل به، مش نكلف المستشار الإعلامي يتكلم، انتوا يرضيكم إن وزير يخلي المستشار بتاعه يكلمني؟».

وأضاف –في برنامجه «مصر اليوم» على قناة «الفراعين»-: «ده لما حب السيد الرئيس يوجه رسالة للشعب كلمني أنا، وكان ممكن يخلي المتحدث الإعلامي أو أي حد من مكتبه يكلمني، إنما الرجل أصر إن يكون الاتصال مباشر علشان أنقل رسالته إلى عائلات وقبائل مصر».