رولا خرسا تأكل ورق العنب بالكوارع

كشفت الإعلامية المصرية رولا خرسا عن طقوسها اليومية خلال شهر رمضان، مشيرة إلى أنها تحرص على زيارة آل البيت وختم القرآن الكريم.

رولا قالت: «أنا بتعب في الصيام جدا لأن ضغطي واطي لكن الحمد لله ربنا بيقدرني إني أصوم، وطبعا بصحى متأخر، بس لازم أصلي الفجر وأختم القرآن، وبصلي التراويح، ولازم أصليه في الجامع ولو مرة واحدة على الأقل، وطبعا لا غنى عن المسلسلات».

وأضافت أنها تحب زيارة آل البيت بشكل عام، وفي رمضان بشكل خاص، حيث قالت: «بعد الفطار أحب أروح سيدنا الحسين أو السيدة زينب، بحس إن ده رمضان اللي بجد».

رولا اعترفت إنها «مبتعرفش تطبخ»، وأنها بتستعين بوالدتها وأختها في هذا الشأن، وأضافت: «أمي لبنانية وشاطرة قوي في الأكل اللبناني، وهي بتعمل أحلي ورق عنب بالكوارع في الدنيا، فلازم أول يوم رمضان يبقى عندنا ورق عنب بالكوارع».