عمرو أديب: بتشمتي في سيدك وتاج راسك!.. فيديو

شن الإعلامي المصري عمرو أديب هجوما حادا على القيادية بجماعة الإخوان المسلمين، عزة الجرف، والشهيرة بـ «أم أيمن»، وكذلك على أعضاء الجماعة، والذين شمتوا في موت الكاتب الصحفي أحمد رجب.

أديب قال: «أم أيمن النهاردة بتدعي إن ربنا يضيق على أحمد رجب، أهو ربنا ضيقها عليكي انتي وتنظيمك، الرسول عليه الصلاة والسلام نهى عن مهاجمة الموتى لأنه بين إيدين ربنا، لا أنتي اللي هتضيقي عليه ولا انتي اللي هتوسعي عليه، إلا لو انتي عندك علاقات إحنا منعرفهاش».

وأضاف: «قلة الأدب والسفالة اللي عملها الإخوان مع الأستاذ المرحوم أحمد رجب لأنه كان مسويهم، طب ليه في حياته مكنش حد فيكم يستجري يكلمه؟ لأنه كان بكلمة يحرقكم، وعمر ما التاريخ الإخواني جاب حد زي أحمد رجب، تيجي انتي إيه يا أم أيمن جمبه، أهو ربنا ضيقها عليكي وعلى اللي خلفوكي ياللي بتدعي على سيدك وتاج راسك».

وكانت عزة الجرف قد كتبت تويتة على حسابها الخاص على موقع «تويتر»، قالت فيها: «دعمت القتل وحرضت عليه وشمت في الدم وسخرت قلمك للحرب على كل قيمة إسلامية.. فعليك من الله ما تستحق وعند الله تجتمع الخصوم».