رانيا بدوي تنهار باكية على الهواء.. فيديو

دخلت الإعلامية المصرية رانيا بدوي في نوبة بكاء على الهواء، في برنامجها «القاهرة اليوم» على قناة «اليوم»، خلال حديثها عن واقعة الاعتداء جنسيا على أطفال دار أيتام مؤسسة الإيواء   بالإسماعيلية.

رانيا قالت: «أنا بتكلم في الموضوع ده باعتباري مواطنة وأم، تضاربت الأقوال أن المشرفين هم اللي اعتدوا عليهم، وفي أقوال تانية بتقول إن الأطفال الكبار سنا اعتدوا على الصغار، الطفل اليتيم اللي في دار الأيتام، ده طفل بلا أب وبلا أم، أنت كمشرف بتقوم بدور المدرس والأب والأم، أنت المنظومة الكاملة بالنسبة له، فلما تسيبه لولد عنده 18 سنة هو نفسه عايز يتربى يبقى أنت مخطئ، ولو أنت نفسك اللي بتعتدي عليه تبقى أنت شيطان».

وأضافت: «لما المشرفين يغتصبوا الأطفال 5 و6 مرات البلد فين؟!، دار الأيتام دي مفرخة للإرهاب، الغرهابيين مش نتاج خطاب ديني متطرف فقط، لكن بعضهم قرر يبقى إرهابي علشان ينتقم من المجتمع، دول بيبقوا إرهابيين أكثر توحشا من الإرهابيين نتيجة الخطاب الديني المتطرف، إزاي ألومه لما يطلع إرهابي وأنا أقتلته وهو صغير أصلا».

وكانت النيابة قد أجرت تحقيقاتها الاثنين الماضي، بعد تلقيها بلاغا من إحدى مدرسات دار الإيواء للأطفال الأيتام بمدينة المستقبل، يفيد بتعرض أطفال الدار لاعتداء جنسي، وقد أكد تقرير الطب الشرعي تعرض الأطفال لاعتداء جنسي بالفعل، وتقرر حبس مدير الدار 4 أيام على ذمة التحقيقات، بتهمة الإهمال العمد وتعريض حياة الأطفال للخطر.