توفيق عكاشة: ربنا ياخدني علشان أرتاح منكم ومن مراتي.. فيديو

انفعل الإعلامي المصري توفيق عكاشة، خلال تعليقه على مقتل 31 شهيد من رجال القوات المسلحة، الذين راحوا ضحية الحادث الإرهابي الذي وقع بالشيخ زويد يوم الجمعة الماضي.

عكاشة أكد أنه حذر من قبل أن العمليات الإرهابية في سيناء لن تتوقف إلا بضرب البؤر الإرهابية في غزة، وقال –في برنامجه «مصر اليوم» على قناة «الفراعين»-: «واحد يجي يقولك إحنا مش عايزين يقال في التاريخ إن مصر وجهت ضربات عسكرية إلى إحدى الدول العربية، دول أمك، هو إحنا بنضرب دول عربية يا متخلف؟!، ده إحنا بنضرب الإرهابيين اللي فيها، قولت الكلام ده ولا مقولتهوش؟».

وأضاف بانفعال شديد: «أسيب المكان وأمشي؟، ولا أسيب الدنيا كلها وأمشي وأضرب نفسي بالرصاص وارتاح منكم؟، بس هبقى ميت كافر، طب في حل، أدعي ربنا ياخدني علشان أموت موتة ربنا وارتاح وأبقى ميت على دين الإسلام، وربنا هيريحني منكم ومن مراتي ومن الدنيا كلها، خدني يارب بحق جاه النبي، علشان ارتاح من الأغبيا اللي موجودين».

وكان هجوم إرهابي قد استهدف نقطة تفتيش عسكرية بمنطقة الشيخ زويد بسيناء، الجمعة الماضية 24 أكتوبر، مما أسفر عن مقتل 31 شهيد وإصابة العشرات من رجال القوات المسلحة.