تامر أمين يسخر من مرض محمد البلتاجي.. فيديو

سخر الإعلامي المصري تامر أمين من الإعلان عن إصابة القيادي الإخواني محمد البلتاجي بمرض «الفتاق».

تامر قال –في برنامجه «من الآخر» على قناة «روتانا مصرية»-: «سبحان الله كما تدين تدان، ربنا مبيسيبش حق حد، محمد البلتاجي ده طول السنة بتاعة حكم مرسي فتقنا كلنا الحقيقة، جابلنا كلنا حالة فتاق عام بسبب تصريحاته ومواقفه وسخافاته، فالشعب المصري كله جاله فتاق».

وتابع سخريته بقوله: «أنا مش عارف إيه اللي ممكن يجيب قتاق لواحد وهو قاعد في السجن، إيه اللي فتقه؟، هل بيقعد غلط في السجن؟، هل هم مش مرتاحين منه في السجن؟، إحنا لازم نعرف إيه اللي فتقه أو مين، لأنه متهم ولازم ياخد حقه كاملا، لأان فتق البلتاجي يهمنا أهمية عظيمة وخصوصا أنا».

يذكر أن محمد البلتاجي كان قد تغيب عن جلسة محاكمته، الأربعاء الماضي 29 أكتوبر، في قضية اقتحام السجون إبان ثورة 25 يناير، وذلك لحجزه بمستشفى «المنيل الجامعي التخصصي» لإجراء عملية «فتق أربي».