الإذاعة توقف عايدة سعودي عن العمل بعد دفاعها عن معارضي براءة مبارك

فوجئت الإعلامية المصرية عايدة سعودي المشرف العام على إذاعة «راديو هيتس» والمذيعة بها، اتصال من إدارة الإذاعة تطلب منها عدم الحضور إلى القناة، مرجعة ذلك إلى انتهاء مدة إعارتها من اتحاد الإذاعة والتليفزيون.

إلا أن مصادر مقربة من الإعلامية المصرية أكدت أن سبب اتخاذ هذا القرار، ما قالته عايدة بعد الحكم ببراءة الرئيس الأسبق محمد حسني مبارك، واندلاع مظاهرات معارضة لهذا الحكم، حيث طلب رئيس شركة صوت القاهرة تفريغ هذه الحلقة ليتحقق من الأمر.

وكانت عايدة قد قالت في هذه الحلقة: «مش عارفة أقول إيه، طبعا إحنا عارفين جملة لا تعليق على أحكام القضاء، حافظينها عن ظهر قلب وبنحترمها ومصدقين فيها لكن عندي شوية أسئلة: لما يبقى فيه احتفال بحكم براءة مبارك ده يعتبر تعليق ولا ما يعتبرش تعليق؟!، ولو هو عادي يبقى إحساس الحزن والقهر بسبب نفس الحكم هو كمان عادي مش هاعلق على الحكم لكن من حقي كمواطنة ومذيعة في إعلام الدولة إني كمان أحس بالألم من حكم زي ده والشباب اللي راح فدا أفكار حلوة وأحس بالقهر من الاحتفال بالبراءة».

وأضافت: «قتل المتظاهرين ده مكنش في بلد تانية ده حصل قدام عينينا ومتسجل في الفيديوهات واتنشر في التلفزيونات كمان، الخرطوش موت أصحابنا مش ناس سمعنا عنها، تزييف الوعي حاجة وتزييف أيام عشناها حاجة تانية أنا مش فاهماها، حق الناس تنزل تحتفل بالبراءة، وحق ناس تانية إنها تنزل وتعرب عن وجعها وحزنها من هذا الحكم، لو التظاهر ممنوع بحكم نظام جه بالتظاهر يبقى تتفض تظاهرات المؤيد زي المعارض، أحترم القضاء وأحترم القانون، لكن مبحترمش الأشخاص ولا الأفكار اللي بتخلي أي حد فوق القانون أو فوق الدولة».