مشادة كلامية حادة بين وائل الإبراشي والسبكي على الهواء.. فيديو

وقعت مشادة كلامية حادة بين الإعلامي المصري وائل الإبراشي والمنتج السينمائي محمد السبكي، حول برومو فيلم «ريجاتا».

الإبراشي انتقد وجود الكثير من الألفاظ الخارجة في برومو الفيلم، فنفى السبكي أن تكون هذه الألفاظ داخل الفيلم، قائلا: «إحنا معندناش الحاجات اللي أنت بتقول عليها دي، إحنا عاملين فيلم محترم، يتفرج عليه الصغير والكبير».

وأضاف –في مداخلته الهاتفية ببرنامج «العاشرة مساءا» على قناة «دريم2»-: «أنتوا الإعلاميين اللي بتعملوا ده، أنت مش لاقي مادة تتكلم فيها فجاي تتكلم في التريلر، وبعدين دي نسخة أنت جايبها من على النت إنما الفيلم مفيهوش ده، التريلر بتاعي اللي هيتذاع على القناة عندك»، وأكد أن هذه الجمل تم حذفها من الفيلم.

فقال الإعلامي: «يعني أنت شلتها من الفيلم وبعدين نزلتها على النت؟!»، فرد السبكي: «أنت عايز تعمل موضوع وخلاص؟»، ما جعل الإبراشي ينفعل قائلا: «لا عايز ولا يهمني أتكلم معاك حتى»، فقال السبكي: «يا أستاذ وائل سيبوا السينما فحالها»، فرد الإبراشي: «سيب أنت السينما في حالها»، ما دفع السبكي لإغلاق الهاتف على الهواء.